Politik Semasa

Politik adolah 'ilmu pemerintahan' atau 'ilmu siyasah', iaitu 'ilmu tata negara'. Politik dalam Islam menjuruskan kegiatan ummah kepado usoho untuk mendukung dan molaksanokan syari'at Allah molalui sistem kenegaraan dan pemorintahan. manokalo politik dalam malaysia, mengutamokan kuaso, wang ringgit, dan kepontingan diri jugo kroni.

Eden bukan minat bona dongan cerito politik ni do.. tapi kobolakangan ni yo den ghoma maco isu politik semaso dalam malaysia ni.. yg lua2 negaro tu dulik an la hai. macam2 cerito, macam2 pe'el manusio yg berpolitik ni. kalau nk ceghito semuo, sampai luso sampai tulat tak abeh. apo yg den heran, kojo diorg ni bukan bopakat dan muafakat nk montadbir negaro. tapi leko dek bocakar. org tu koba org ni tak boto, org ni koba org tu pun tak yo boto. sudah eh sampai sekarang jalan ghusak, longkang tosumbek, tak beboto-boto an. tu yo boto.

Politik dalam malaysia ni dasyat. orang2 politik ni pun hebat2.. mcm2 golaran, mcm2 pangkat ado. mereko ni todiri dari polbagai latar bolakang. cikgu pencen ado, askar pencen ado, profesor ado, doktor ado, kerabat rajo ado, ustaz/ustazah dan ahli ulama' ado, tokey kodai minyak ado, kontraktor ado, sekarang ni. artis pun dh ado. artis tu pulak dah tak buleh cari makan laie agak eh, join politik, buleh cari makan yo tak.. bukan calang2 orang tu do.

Politik ni ado org kato kotor, tapi bukan politik tu kotor do. org2 dalam politik tu yg kotor. diorg ni kalau bertujuan nk jatuh an seseorang, yg mano org itu berpotensi membori ancaman pado karier diorg memang cukup handa. skandal, video terlampau, seksual macam2 fitnah di tabur ( Sabda Rasulullah SAW: “Tidak masuk syurga orang yang suka menyebarkan fitnah.” Hadis riwayat Bukhari dan Muslim). cerito zaman nakal 30 tahun lopeh pun buleh bobangkit semulo. tu pasal guru den posan. 'kalau nk buek jahat, buek jahat sorang2. jgn berkawan. kolak kawan makan kawan' tengok la yg ado2 tu. mangso kawan2 la tu. padan la muko kau.

Politik dalam malaysia ni jugak, buleh membawo kehancuran kepado perpaduan ummah. cayo tak? kalau ado yg kato tak percayo. duduk dalam hutan. 'no network coverage'. tak kan tak nampak kan, den maleh nk sobot lobih2. nijam rakyat mano buleh bersuaro lobih. nijam bukan demokrasi laie. tapi "demolish". mano buleh camtu. ingat negharo komunih ko. sudah la. mengabeh an boreh yo. den poie minum kupi O mo cekodok ikan bilih cocah mo masak lomak belen2 lam piyuk tu laie sodap.

'Bukti Pomimpin yg bona2 memimpin, punyai sobuah negaro yg aman dan harmoni'